_1696921596.gif)
धरान/ प्रथम पिण्डेश्वर खुला नकआउट फुटबल प्रतियिगितामा सोमबार भएको उद्घाटन खेलमा पन्चायन फुटबल क्लब रामधुनी-७ लाई ५-३ गोल अन्तरले हराउदै पिण्डेश्वर फुटबल क्लब "बि" बिजयी भएको छ।
प्रतियोगिता धरान उप-महानगरपालिका वडा नम्बर १४ ले आयोजना गरेको हो।
पिण्डेश्वर खेल मैदानमा सन्चालन भएको प्रतियोगितामा प्रमुख अतिथि धरान उप-महानगरपालिकाका उप-प्रमुख अइन्द्र बिक्रम बेघाले खेलाडीहरुलाई बल हस्तान्तरण गरेर खेलको उद्घाटन गरे।
खेल क्षेत्रको बिकासका लागि स्थानीय सरकारले सक्दो सहयोग गर्ने प्रमुख अतिथि बेघाले बताए।
धरान खेलकुदको सहर भएकाले फुटबल खेलको बिकासमा टेवा पुर्याउने उद्येश्यले प्रतियोगिताको आयोजना गरिएको धरान-१४ का वडा अध्यक्ष कृष्ण प्रसाद भट्टराईले बताए।
प्रतियोगितामा १६ वटा टिम सहभागी हुने आयोजकले जनाएको छ।
वडा अध्यक्ष भट्टराईका अनुसार प्रतियोगिताको बिजेताले नगद ५१ हजार १ सय, ट्रफी, मेडल र प्रमाण-पत्र प्राप्त गर्नेछ भने उप-बिजेताले नगद ३१ हजार,ट्रफी, मेडल र प्रमाण-पत्र प्राप्त गर्नेछ। उद्घाटन कार्यक्रममा धरान-१४ का वडा सदस्यहरु झर्ना मुखिया,
कमल भट्टराई, दुर्गा बिक, राम तामाङ लगायत विभिन्न सङ्घ संस्थाका प्रतिनिधिहरु उपस्थित थिए।
मङ्गलबार हुने पहिलो चरणको खेल धरान-१३"स्पोर्टिङ क्लब र बाङ्गे गाईज फुटबल क्लब बिच हुनेछ।
त्यस्तै दोश्रो चरणको खेल पिण्डेश्वर फुटबल क्लब "ए" र बगुवा फुटबल क्लबबिच हुने आयोजकले जनाएको छ।
पिण्डेश्वर युवा क्लबले सम्योजन गरेको प्रतियोगिताको फाईनल असोज ३ गते हुने आयोजकले जनाएको छ।
