_1696921596.gif)
धरान/ लिग च्याम्पियन चर्च बोइज युनाइटेड धरानमा जारी २४ औ अन्तर्राष्ट्रिय आमन्त्रण बुढासुब्बा गोल्डकप प्रतियोगिताको पहिलो चरणबाटै बाहिरिएको छ !
धरान रंगशालामा मंगलबार सम्पन्न अन्तिम क्वाटरफाइनल खेलमा काकरभिटा फुटबल ट्रेनिङ सेन्टर झापासँग १–० गोल अन्तरले पराजित हुँदै चर्च बोइज प्रतियोगिताको पहिलो चरणबाटै बाहिरिएको हो ।
खेलको ४४ औ मिनेटमा झापाका आशिस चापागाइको निर्णायक गोलले झापा प्रतियोगिताको सेमिफाइनलमा प्रबेश गरेको छ ।
पाएको अबसरलाई गोल गर्न नसक्दा झापा गोल्डकपको उपाधी उचालेको चर्च बोइजले झापासँग अनपेक्षित हार ब्याहोर्नु प र्यो ।
झापाले फाइनल यात्राका लागि आउदो बिहीवार एनआरटी क्लब काठमाण्डौसँग भिड्ने छ ।
खेलको म्यान अफ दि म्याच झापाका बिशाल घलान घोषित हुँदै नगद १० हजार पाए !
बुधबारको पहिलो सेमिफाइनल खेल आयोजक धरान र मोरङ फुटबल एशोसियसनबिच हुने आयोजकले जनाएको छ ।
चैत्र ३ गतेसम्म संचालन हुने प्रतियोगितामा विजेताले ट्रफीसहित नगद १० लाख र उपविजेताले नगद ५ लाख पुरस्कार पाउनेछ ।
