_1696921596.gif)
धरान /धरान उपमहानगरभित्र सवारी अस्तव्यवस्तालाई न्यूनिकरण गर्नको लागि फेरी धरानमा दोश्रो चरणको वन वे लागू गरिएको छ ।
आइतबारदेखि लागु हुने गरि धरानका मेयर हर्कराज राईले धरान उपमहानगरपालिका वडा नं ९ स्थित गौतम पथ (सब्जी बजार) र पतुलीलाइनमा वान वे लागु गरेका हुन् ।
उपमहानगरपालिका, जिल्ला ट्राफिक, नगर प्रहरी र वडा कार्यालयबीच सहकार्य गरी वान वे लागु गरिएको छ ।
मेयर हर्क साम्पाङ आफै पुतलीलाइन पुगेर वान वे लागु भएको घोषणा गरेका थिए ।
जिल्ला ट्राफिक प्रहरी प्रमुख सुवास केसी, वडा नं ९ का अध्यक्ष रुपेश आचार्य लगायतको उपस्थित रहेको थियो ।
यस्तो छ वेन वे
पुतलीलाइनस्थित आइएमई रहेको चोकदेखि पुर्व भानुचोकतर्फ सवारीसाधन जान निधेष गरिएको छ ।
भानुचोकदेखि पश्चिम पुतलीलाइनतर्फ भने सवारीसाधन जान पाउनेछ । आइएमई चोकदेखि उत्तर गौतमपथ, सब्जीबजार हुदै कलेज रोडतर्फ एकतर्फी मात्र सवारीसाधनलाई जान दिइएको छ ।
उक्त सडकमा कलेज रोडदेखि दक्षिण गौतमपथतर्फ सवारीसाधन आउन निषेध छ ।
यस्तै, आइएमई चोकदेखि दक्षिण आचार्यलाइन जोडिने शिवप्रकाश मार्ग हुदै भने दुईतर्फी नै सवारीसाधन आउजाउ गर्नसक्छन् ।
तर, उक्त शिवप्रकाश मार्गमा दुवैतर्फ सवारीसाधन पार्किङ गर्न निषेध गरिएको छ ।
वडा नं ९ का अध्यक्ष आचार्यले ७ दिनसम्म परीक्षण गर्ने र त्यसपछि थप परिमार्जन गर्नुपर्ने भए गरिने बताए ।
यस अघि भानुचोकदेखि उत्तर नयाँ बजार र लक्ष्मीचोकदेखि दक्षिण पुरानो बजारमा वान वे लागु भएको छ ।
जिल्ला ट्राफिक प्रहरी प्रमुख केसीले स्थानीयबासीसँगै धेरै छलफल, सल्लाह सुझाव पछि वान वे गर्ने निर्णय गरिएको बताए ।
गौतमपथ, सब्जी मण्डी क्षेत्रमा अत्यधिक जाम हुने गरेको धेरै गुनासो आएपछि अध्ययन गरिएको उनले खुलाए ।
यो पछि १० नम्बर वडातिर पनि गर्ने योजना छ, हामी त्यता पनि व्यवस्थापन गछौं ।’
