_1696921596.gif)
दुहवी / सुनसरीको दुहवी नगरपालिकाले आफ्नो नगरमा रहेका सामुदायिक विद्यालयमा अध्ययनरत विद्यार्थीहरुलाई जाडोको न्यानो कपडा वितरण गरेको छ ।
दुहबी नगर प्रमुख बेद गछादारले सोमबार एक कार्यक्रम आयोजना गरि ३३ बिद्यालयका विद्यार्थीहरुलाई १ हजार ७२ थान स्विटर हस्तान्तरण गरेका थिए ।
चिसो साथै तराइमा सितलहर बढेसगै बाल शिक्षामा अध्ययनरत बालबालिकाहरु प्रभावित बनेपछि नगरपालिकाले बालबालिकाको अभिभावकत्व भुमिका निर्वाह गरेर स्वीटर वितरण गरेको हो ।
जाडोको समयमा विद्यार्थीहरुलाई पठनपाठनमा समस्या नआओस् भनेर दुहवी नगरपालिकाभित्र सञ्चालित सामुदायिक विद्यालयका विद्यार्थीहरुलाई स्विटर वितरण गरेको नगर प्रमुख गच्छादारले बताएका छन् ।
