धरान मोडल कलेजद्वारा नगरस्तरीय हाजिरीजवाफ सम्पन्न

धरान  / धरान मोडल कलेजले नगरस्तरीय हाजिरी जवाफ प्रतियोगिता सम्पन्न गरेको छ । धरान १ मा रहेको कलेजले धरान नगरभरिका कक्षा ११ र १२ का विद्यार्थीहरुलाई समेट्ने गरी आयोजना गरिएको नगरस्तरीय प्रतियोगितामा १२ वटा विद्यालयहरुले सहभागिता जनाएका थिए । 

आइतबार भएको प्रतियोगितामा दुई चरण गरी प्रतियोगिताको आयोजना गरिएको थियो । प्रारम्भिक चरणमा १२ वटा विद्यालयलाई सहभागी गराइएको थियो । जसबाट दोस्रो चरणका लागि ६ वटा समूह छनौट गरिएको थियो । छनौटमा पर्नेहरुमा पब्लिक हाइ स्कुल, ज्ञानोदय मा.वि., चन्द्र संस्कृत मा.वि., अल्पाइन मा.वि., समिट मा.वि. र भालढुंगा मा.वि. रहेका थिए ।

प्रतियोगितामा एम्स विद्यालयको समूह प्रथम भएको थियो । जसमा रजनिश न्यौपाने, यशोदा श्रेष्ठ, मन्दीप श्रेष्ठ रहेका थिए । कंचन खतिवडा, विवेक गौतम, अविनव निरौला रहेको पब्लिकको समूह दोस्रो भएको थियो । सुदिप घिमिरे, कृष्ण वस्ती, अनु सिंह रहेको चन्द्र संस्कृत मा.वि.को समूह तेस्रो भएको थियो भने निरज राई, मार्मेन्डो तामाङ, निराजन राई रहेको भालढुंगा मा.वि.को समूहले सान्त्वना प्राप्त गरेको थियो ।

प्रतियोगिताको प्रथम हुनेले रु १० हजार, दोस्रोले रु ६ हजार र तेस्रो हुनेले रु ४ हजार नगद साथै प्रमाणपत्रले सम्मानित गरिएको कार्यक्रम संयोजक डा. जीवनकुमार राईले जानकारी दिए । विद्यार्थीहरुको बौद्धिक र शैक्षिक विकास गर्नको लागि यो कार्यक्रमको आयोजना गरिएको धरान मोडल कलेजका प्राचार्य प्रवीण राईले बताए । कार्यक्रमको सञ्चालन गौरव संज्यालले गरेका थिए ।