_1696921596.gif)
मोरङ / लामो समयदेखी जन्म सिद्ध नेपाली नागरिकता नपाउदा मोरङका युवाहरु रोजगारीका लागि भारत पलायन हुन थालेका छन । नेपाली नागरिक्ता नभएका कारण स्वदेशमा रोजगारी पाउन नसकेपछि उनी हरु भारत तर्फ गएर रोजगारी गर्न वाध्य रहेका छन ।
रंगेली नगरपालिका–५ आमगाछी का सुकुम्वासी टोलका युवा हरु आफ्ना ,छोरा छोरी श्रीमती लिएर जीवन यापन का लागि भारतको विभिन्न स्थान हरुमा गएर परिवार को पालनपोषण गर्न वाध्य भएका छन । सुकुम्वासी टोलका ३० घर परिवारमध्ये १५ परिवारका युवा युवती तथा महिला हरु भारतको दिल्ली, पन्जाव, हरियाणा लगायतका सहर हरुमा गएर काम गर्न थालेका हुन ।
नेपाली नागरिकता नहुदा बैक तथा वित्तिय संस्थाहरुले ऋण समेत प्रदान नगर्ने र रोजगार दाता हरुले काम पनि नदिने भएकाले घरमा ताला लगाएर युवाहरु विदेश पलायन भएको स्थानिय विनोद मण्डलले बताए ।
आमा वुवा भएको घरमा आमावुवाले घर हेर्चाह गरेर वसेका छन भने आमावुवा नभएकाहरु घरमा ताला लगाएर तथा आफन्तको जिम्मा लगाएर भारत तर्फ रोजगारीको खोजिमा जान बाध्य रहेका मण्डलले बताए। ८ बर्ष देखि कोही भारतमा काम गरिरहेका छन भने केहि युवा हरुल ६ महिना देखी भारतमा गएर काम गर्दै आएका छन ।
आमा वुवाको अंगीकृत नागरिकता भएकाले सन्तानले नेपाली नागरिकता पाउन सकेका छैन । त्यस्ता परिवारलाई नेपाली नागरिकता प्रदान गर्न सरकारले ल्याएको नागरिक्ता विधेयक पास हुन सकेको छैन ।
स्थानिय उर्मीलादेवी मालाकार का अनुसार दलका नेताहरुले भोट माग्दा नागरिकता वनाइदिने वाचा गरेको र चुनाव सकिएपछि कसैले वास्ता नगरेको उनले आरोप लगाइन। सर्जुदेवी ऋषीदेवले केहि परिवारले वित्तयसंस्थासंग ऋण लिएको र ती संस्थाले ऋण उठाउन कडाईगर्न थालेपछि युवाहरु विदेशीने क्रम वढेको समेत बताए ।
रोजगारी नभएपछि ऋण तिर्न समस्या भएको उनको भनाइ रहेको छ । नागरिकता नहुदा नगरपालिकाले संचालनमा ल्याएको प्रधानमन्त्री रोजगार कार्यक्रमा समेत युवाहरुले काम गर्न पाइरहेका छैनन । रोजगारीका लागि जाहा गएपनि नागरिकता खोज्ने गरेकाले केहि सिप नलागेर वृद्ध आमावुवालाई घर को हेरचाहा गर्न राखेर छोरा छोरी विदेश पलायन भएको उर्मिलाले सुनाईन ।
यस्ता परिवारको समस्या समाधान गर्न सरकारले चाडै नागरिकताविद्येयक अघि वढाउनुपर्ने र यस्ता परिवारलाई विनाधितो तथा थोरै व्याज लिएर ऋणको व्यवस्था गर्नुपर्ने स्थानीय सुजन मंण्डल ले बताए । कामगर्न सक्ने उमेर भएका छोरा छोरी विदेशिएपनि घरमा रहेका वृद्ध आमावुवा लाई दुइछाक खान समेत अहिले समस्या हुदै आएको छ ।
