सुनसरी/ धरानस्थित बिपिकोइराला स्वास्थ्य विज्ञान प्रतिष्ठानको गाइनो वार्डबाट एकजनालाई ड्युटीमा खटिएका सेक्युरिटी गार्डले पक्राउ  गरी प्रहरीको जिम्मा लगाएका छन् ।

मोरङ केराबारी ८ का बर्ष २५ का अर्जुन चौधरीलाई गाइनो वार्ड अगाडि मोटरसाइकल चोर्दाचोर्दे गरेको अवस्थामा बीपीका सेक्युरिटी गार्डले पक्राउ गरी प्रहरीलाई जिम्मा लगाएका हुन् ।

आज विहान ४ः३० बजेको समयमा गाइनो वार्डमा को २१ प २२०० नम्बरको १५० सिसीको रातो पल्सर र को २६ प २५७१ नम्बरको निलो पल्सर चोर्ने प्रयास गरिरहेको अवस्थामा डियुटीमा खटिएका सेक्युरिटी गार्ड गौरव श्रेष्ठ, रत्न नेम्बाङ र सनम राईले पक्राउ गरी इलाका प्रहरी कार्यालय धरानमा बुझाएका हुन् ।

पक्राउ परेका चौधरीका विषयमा बुझ्ने काम भइरहेको इलाका प्रहरी कार्यालय धरानका डिएसपी नवराज मल्लले बताए । हुन त प्रतिष्ठानमा मोटरसाइकल चोरी हुने घट्ना पहिलो भने होइन । यहाँ पटक पटक चोरी हुने गरेको छ ।

गाइनो वार्डको ठीक विपरीत दिशामा ‘तपाई सिसी क्यामेराको निगरानीमा हुनुहुन्छ’ लेखिए पनि वास्तमा त्यहा सिसी क्यामरा नै लगाएको छैन । चोरलाई पनि यो झुक्याउने काम गरेको भलिभाति थाहा भएकै कारण निर्धक्कसँगै आफ्नो काम गर्ने गर्छन । यसतर्फ बीपी क्याम्पले ध्यान दिन भने सकेको छैन ।