_1696921596.gif)
धरान / पछिल्लो समय आफ्नो संस्कार र सँस्कृति जगेर्नामा सबै एक जुट हुने क्रम बढ्दै गएको छ ।
यस्ता सँस्कृति विभिन्न जात जातिले विकृति रहित जातीय पहिचानको मुख्य एजेण्डा बोकेर वृहत रुपमा मनाउने प्रचलन बढ्दै गएको छ ।
यसै क्रममा नेवार समुदायले सुनसरी जिल्ला स्तरीय वृहत लाखे नाचको आयोजना गर्ने भएको छ ।
विगतमा लाखेनाचको नामबाटचन्दा उठाउने लगायतका कुराहरु हुन गरेकालाई यसलाई मध्य नजर गरी नौ बुदे आचारसहिता समेत बनाएर लाखे नाचलाई व्यवस्थित बनाउने भएको हो ।
लाखे नाचको उद्गम जिल्लाको रुपमा भोजपुरलाई लिने गरिएको छ ।
विगतमा गाउँ घरमा सीमित लाखे नाचलाई नेवार समुदायले सबै समुदायलाई समेटेर सामुहिक रुपमा मनाउने प्रचलन भएको हो ।
धरान २०७५सालदेखि सार्वजनिक ठाउँमा सामुहिक लाखे नाचको शुरुवात गरेको थियो ।
दुई बर्ष कोभिड महामारीले लाखे नाचलाई समेत प्रभावित बनायो । यस बर्ष भदौ ४ गतेदेखि लाखे नाचको आयोजना गर्ने भएको छ भने भदौ १८ गते धरानमा चौथो वृहत खुल्ला लाखेनाच प्रर्दशनी तथा सुनसरी जिल्ला स्तरीय लाखे नाच प्रतियोगिताको आयोजना गर्ने भएको छ ।
लाखे नाँचलाई संस्थागत गरेर विकृति रहित बनाउने उद्देश्यले साउन १८ गते सिद्धि नेवाः परिषदको सक्रियतामा लाखे नाचको जगेर्नामा लागेका सरोकारवाला संघसंस्थाको उपस्थितिमा ९ बुँदे आचारसंहिता बनाएर नाचलाई व्यवस्थित बनाउने प्रयास गरिएको छ ।
प्रतियोगितामा २२ वटा संघ संस्थाले भाग लिने छन् । प्रतियोगितामा प्रथम हुने टिमलाई नगद २५ हजार, दोस्रा हुनेलाई १५ हजार, तेस्रोलाई नगद १० हजार र सान्त्वनालाई नगद ५ हजार पुरस्कार दिइने नेवा द्य दबु धरानका अध्यक्ष शाक्यले जानकारी दिए ।
