_1696921596.gif)
जिल्ला ट्राफिक प्रहरी कार्यालयले धरानका ६ ठाउँमा बस बिसौनी विस्तार गरेको छ ।
दुर्घटना न्यूनीकरणका साथै बस बिसौनी व्यवस्थापनका लागि बिसौनी विस्तार गरिएको जिल्ला ट्राफिक प्रहरी कार्यालय सुनसरी धरानका प्रहरी सहायक निरीक्षक नारदप्रसाद दाहालले जानकारी दिए ।
उनका अनुसार धरान ८ स्थित भोटेपुलमा सडकको दायाँबायाँ २ स्थानमा, बरगाछीमा २ स्थान र गुराँस चोकमा २ स्थानमा गरी ६ वटा बस बिसौनी विस्तार गरिएको हो ।
यात्रु चढाउने र ओराल्ने प्रयोजनका लागि मात्र विस्तार गरिएको बस बिसौनीले व्यवस्त बजारमा जहाँ पायो त्यहीँ यात्रु ओराल्ने र चढाउने प्रवृत्तिलाई निरुत्साहित गर्ने ट्राफिक प्रहरीको विश्वास छ ।
