_1696921596.gif)
खोटाङ / फागुन १७ गते बहुमतद्वारा प्रदेश नं. १ को नाम पारित भएपछिका दिनमा पहिचानवादीहरु निरन्तर आन्दोलनमा होमिएका छन् ।
उनीहरुले प्रदेश नं. १ मा ठाउँ ठाउँमा प्रदर्शन गर्ने मात्र हैन कोशी प्रदेशको राजधानी विराटनगर केन्द्रित आमसभा, कविता गोष्ठी लगायतका कार्यक्रमलाई केन्द्रित गरेका छन् । पहिचानवादीहरु एक ठाउँमा उभिएका छन् । प्रदेश न. १ पुन नामकङ्कन संयुक्त संघर्ष समिति बनाएर उनीहरु आन्दोलनमा होमिएका छन् । सोमबार भने कोशी प्रदेशका मुख्यमन्त्री हिकमतकुमार कार्कीमाथि नै ओखलढुंगामा आक्रमणको प्रयास भएको थियो ।
कार्यक्रममा सहभागी हुन पुगेका मन्त्री कार्कीले कार्यक्रममा ९० प्रतिशत सांसदको समर्थनमा कोशी प्रदेश नामकरण भएको र अब परिवर्तन नहुने बताएपछि आक्रोसित पहिचानवादीहरु रुष्ट भएका थिए ।
मुख्य मन्त्री कार्कीको अभिव्यक्तिप्रति आक्रोसित पहिचानवादी शक्तिहकरुले आक्रमणको प्रयास गरेका थिए । सिद्धिचरण नगरपालिका वडा नम्बर ११ को गोरुमारे भन्जाङमा भेला भएका संयुक्त संघर्ष समितिका कार्यकर्ताहरुले कडा सुरक्षासहितको गाडीमा जाँदै गरेका मुख्यमन्त्री कार्कीलाई रोकेर आक्रमणको प्रयास गरेका हुन् ।
उनीहरुले कडा सुरक्षासहित सवार मुख्यमन्त्रीको सवारी साधनलाई घेराउ गरी ‘मुख्यमन्त्री मुर्दावाद, कोशी प्रदेश खारेज गर लगायतका नारा लगाउँदै मुख्यमन्त्रीको गाडीमा तोडफोडको प्रयास गरेका थिए ।
झण्डासहित प्रदर्शनमा उत्रिएका उनीहरुलाई नियन्त्रण लिने प्रयास सुरक्षाकर्मीले गरेका थिए । उनीहरुले मुख्यमन्त्रीको सवार सवारी साधनमा राखिएको झण्डा फाल्न समेत भ्याएका थिए ।
रुम्जाटारमा भएको कार्यक्रममा मुख्यमन्त्री कार्कीले कोशी नाम सर्वस्वीकार्य भएकाले यो परिवर्तन नहुने बताएपछि उनीहरु आक्रोसित भएका थिए ।
