_1696921596.gif)
धरान/ सुनचाँदी ब्यबसायी एक युवाले आत्मदाहको प्रयास गरेका छन् ।
धरान उपमहानगरपालिका वडा नं. २ भानुचौकमा एक युवकले आत्मदहको प्रयास गर्दै गर्दा जिल्ला ट्राफिक प्रहरी कार्यालयका एक प्रहरी जवानले जोगाएर प्रहरीमा जिम्मा लगाएका छन् ।
धरानको मुटु भानुचौकस्थित लोकतान्त्रिक चौतारीमा धरान ३ का यौमन खड्गी नाम गरेका युवकले शरीरमा मटितेल खन्याएर आत्मदहको प्रयास गर्दा ती जवानले जोगाएका हुन् ।
अहिले उनलाई इलाका प्रहरी कार्यालय धरानले नियन्यत्रमा लिएको डिएसपी नवराज मल्लले बताए ।
उनले आफू बाहिर भएकोले आफूले समेत सुनेको र पुगेपछिमात्र विस्तृत जानकारी हुने बताए ।
धरानको भानु चोकमा आज धरान ३ माछाभौडीका यौवन खड्गीले आत्मदाहको प्रयास गरेका हुन् ।
३ नम्बर वडाका वडाध्यक्ष विद्या शाक्यका अनुसार आत्मदाह प्रयास गरेका खड्गीलाई प्रहरीले उद्धार गरी इलाका प्रहरी कार्यालयमा लगेका छन् ।
शाक्यका अनुसार खड्गी धरान ३ जयन्ती स्टोरका संञ्चालक हुन ।
लेनदेनको विषयलाई लिएर आफूलाई केही व्यक्तिहरूले तनाव दिएको भन्दै आत्मदाहाको प्रयास गरेको उनलाई उदृत गर्दै शाक्यले बताए ।
_1719908614.jpg)
