_1696921596.gif)
विराटनगर / बिराटनगर महानगरपालिकाका मेयर नागेश कोइरालाले विराटनगरको विकास र समृद्धिका लागि सहकार्य गर्न निजी क्षेत्रसित आग्रह गरेका छन् ।
नेपाल उद्योग वाणिज्य महासंघ कोशी प्रदेश समितिका नवनिर्वाचित पदाधिकारी र सदस्यहरुको बधाई तथा शुभकामना कार्यक्रमलाई सम्बोधन गर्दै मेयर कोइरालाले सरकार र निजी क्षेत्रबीचको
सहकार्यले मात्रै विकास सम्भव भएको बताएका हुन् ।
महानगरपालिकाले विभिन्न अभियान सञ्चालन गरिरहेको बताउँदै मेयर कोइरालाले भने, “महानगरपालिकाको एक्लो प्रयासले मात्रै विराटनगरको
समग्र विकास गर्न असम्भव छ ।
यहाँको विकासमा निजी क्षेत्रको विगतदेखि नै योगदान रहँदै आएको छ, आगामी दिनमा अझै बढी रहोस भन्ने मेरो चाहना छ ।”
मेयर कोइरालाले महानगरका तर्फबाट महासंघका नवनिर्वाचित पदाधिकारीहरुलाइ सम्मान गरेका थिए ।
