_1696921596.gif)
बिराटनगर /महिनावारी स्वच्छता दिवसको अवसरमा सुरक्षित महिनावारी हाम्रो जिम्मेवारी भन्ने सन्देशका साथ आइतवार अन्तर मावि वक्तृत्वकला प्रतियोगीता सम्पन्न भएको छ ।
बुढीगंगा स्थित विराट मेडिकल कलेजको आयोजनामा भएको कार्यक्रममा भानु मेमोरियल इङ्गलीस बोर्डिङ स्कूलकी कक्षा १२ की छात्रा श्रेया निरौलाले प्रथम स्थान हाँसिल गरेकी छन् ।
विराट कलेजको परिसरमा रहेको सभाहलमा भएको कार्यक्रममा कक्षा ९ देखि १२ सम्मका विद्यार्थीको सहभागीता रहेको थियो ।
प्रतियोगीतामाा १६ वटा विद्यालयका ६३ जना विद्यार्थीलाई पछाडी पार्दै निरौलाले प्रथम स्थान हाँसिल गरेकी हुन् ।
त्यस्तै दोस्रो स्थानमा नरग्राम माविकी निशु कार्की र तेस्रो स्थानमा डिएभी स्कूल विराटनगरकी सेजल मेहता भएकी थिइन् ।
विजय हुने प्रथम, द्वितीय र तृतीयलाई क्रमशः दस हजार, छ हजार र तीन हजार नगद र प्रमाण–पत्रका साथै हवाइट मूनको तर्फबाट उपहार विराट कलेजका सञ्चालक डा. ज्ञानेन्द्रमानसिंह कार्कीबाट वितरण गरिएको थियो ।
सो अवसरमा सहभागी हुने सम्पूर्ण विद्यार्थीहरुलाई प्रमाण–पत्र समेत दिइएको थियो ।
